-आरजे महेश भट्टराई
समयले टाढा बनाएपछि,
उमेरले धेरै धकेलेपछि,
घाम र जूनले डाँडा काट्न लागेपछि,
पाकेको फल र झर्न लागेको पात झैं भएपछि,
बाबू लाठी र साथी खाेज्नुपर्छ भन्नू हुन्थ्यो हजुरबुबाले ।
निभ्न लागेको आगाे र दियो,
हिँउदमा सुक्न लागेको खहरे खाेलाे,
कर्कलाकाे पातमा अडिएकाे शितकाे थाेपाे,
बाबू कति खेर के हुने हाे भन्नू हुन्थ्यो हजुरबुबाले ।
बितेको समय
बगेको पानी
सकिएको जवानी
बाबू ख्याल गर है लामो छ जीवन भन्नू हुन्थ्यो हजुरबुबाले ।
आगाे र पानी,
जाेई , पाेईकाे झगडा,
बाल्यकालकाे साथी, साथीकाे लडाइँ,
बाबू केही छिनका लागि मात्रै शत्रु हुन भन्नू हुन्थ्यो हजुरबुबाले ।
