विराटनगर । विराटनगरको बरगाछीस्थित ओमोडा एण्ड जेकु (Omoda & Jaecoo) शोरुममा आज एक विशेष समारोहका बीच नयाँ iCAUR V23 इलेक्ट्रिक SUV सार्वजनिक गरिएको छ। विराटनगर महानगरपालिकाका प्रमुख नागेश कोइरालाले अनावरण गर्नुभएको यस गाडीको सुरुवाती मूल्य रू. ४९.९९ लाख तोकिएको छ। 'Born to Play' ट्यागलाइनमा आधारित यो गाडीमा १०० किलोवाटको मोटर र ५९.९३ kWh को LFP ब्याट्री जडान गरिएको छ, जसले एक पटकको फुल चार्जमा ४०१ किलोमिटरसम्मको रेन्ज प्रदान गर्छ। २१० एमएमको ग्राउन्ड क्लियरेन्स र आकर्षक 'Boxy' डिजाइन रहेको यस SUV मा १३.२ इन्चको प्रिमियम इन्फोटेनमेन्ट सिस्टम र लेभल-२ एडास (Level 2 ADAS) जस्ता आधुनिक सुरक्षा सुविधाहरू समावेश छन्।
यस लन्चसँगै फेब्रुअरी ६ देखि ९ सम्म चल्ने विशेष 'Xchange to Upgrade' क्याम्पको पनि घोषणा गरिएको छ। यस अवधिमा गाडी बुकिङ गर्ने ग्राहकहरूले प्रत्येक बुकिङमा एउटा MI फोन प्राप्त गर्नेछन् भने एक जना भाग्यशाली विजेताले चीन भ्रमणको अवसर पाउनेछन्। साथै, ग्राहकहरूले आकर्षक नगद छुट, एक्सचेन्ज बोनस र एक वर्षको नि:शुल्क बीमा जस्ता सुविधाहरू समेत प्राप्त गर्न सक्नेछन्। देशभर १८ वटा आउटलेट र ३० भन्दा बढी फास्ट चार्जिङ स्टेशनहरूको सञ्जाल रहेको ओमोडा एण्ड जेकुले विराटनगरका ग्राहकहरूका लागि यो नयाँ मोडललाई उत्कृष्ट विकल्पको रूपमा प्रस्तुत गरेको छ।
