विराटनगर । एस्सेस एजुकेसन नेटवर्क (एइएन) ले प्रधानमन्त्री दैवी प्रकोप उद्धार कोषमा ११ लाख ११ हजार १११ रुपैयाँ सहयोग गरेको छ। रसुवाको भोटेकोशी नदीमा आएको भीषण बाढीबाट प्रभावित परिवार तथा समुदायको राहत, पुनःस्थापना र पुनर्निर्माणमा सहयोग पुर्याउने उद्देश्यले नेटवर्कले उक्त रकम सहयोग गरेको हो।
एस्सेस एजुकेसन नेटवर्कले बिहीबार प्रधानमन्त्री दैवी प्रकोप उद्धार कोषमा ११ लाख ११ हजार १११ रुपैयाँ जम्मा गरेको जनाएको छ। संस्थाले विपद्का कारण प्रभावित परिवार तथा समुदायलाई सहयोग पुर्याउन आफ्नो तर्फबाट उक्त योगदान गरेको हो।
