सुनसरी, वैशाख १९ गते।
सुनसरीको धरान उप-महानगरपालिका-१३ स्थित सुन्नीमा चोकबाट प्रहरीले मंगलबार लागूऔषधसहित एक जनालाई पक्राउ गरेको छ।
पक्राउ पर्नेमा जिल्ला धनकुटा साँगुरी गाउँपालिका-४ बस्ने २४ बर्षिय रितेश कार्की रहेका छन्। कार्कीलाई इलाका प्रहरी कार्यालय धरानबाट खटिएको प्रहरीको टोलीले साँझ ६ बजेतिर पक्राउ गरेको हो।
प्रहरीले उनको साथबाट लागूऔषध एभील-५ एम्पुल, डाईजेल्याप-५ एम्पुल, लुपिजैसिक-५ एम्पुल, र स्पास्मोप्रोक्सिभन-८ ट्याबलेट बरामद गरेको छ। बरामद लागूऔषधसहित उनलाई इलाका प्रहरी कार्यालय धरानमा राखी थप अनुसन्धान भइरेहको छ।
