लक्ष्मिनिया युवा क्लबले दोश्रो वार्षिकोत्सवको अवसरमा कार्यालय उद्घाटन गरेको छ । कार्यक्रमका प्रमुख अतिथि प्रदेश सभा सदस्य जयराम यादवले कार्यालयको उद्घाटन गरेका हुन् ।
मोरङस्थित जहदा–५ मा लक्ष्मिनिया युवा क्लब स्थापना भएको २ वर्ष पुगेको अवसरमा शनिवार क्लबको कार्यालय उद्घाटन गरिएको हो । कार्यक्रमलाई सम्बोधन गर्दै प्रदेश सभा सदस्य जयराम यादवले जब सम्म समाजको गतिविधि सुदृढ हुँदैन तबसम्म राजनीतिक, सामाजिक क्षेत्रमा सफलता नहुने बताए ।
गाउँ, समाज र देशको मेरुदण्डको रूपमा रहेको युवा शक्तिलाई सरकारी, व्यक्तिगत जुनसुकै स्तरबाट साथ दिने प्रतिबद्धता यादवले जनाएका छन् । त्यस्तै, कार्यक्रममा बोल्दै जहदा गाउँपालिका ४ का वडाध्यक्ष जयनरथ गिरीले युवाहरूको कामप्रतिको लगाव, ईमान्दारितालाई मध्यनजर गरेर आफ्नो पाउने सेवा सुविधाबाट मासिक ५ हजार सहयोग गर्ने प्रतिबद्धता जनाएका छन् ।
त्यस्तै सोही कार्यक्रममा जीवन विकास लघुवित्त संस्था लिमिटेडले उक्त संस्थामा आबद्ध सदस्यका छोरा र छोरीलाई एसइईमा उत्कृष्ट अङ्क ल्याएवातको दुई जनालाई छात्रवृत्ति वितरण गरेको छ । कार्यक्रमको अवसरमा उक्त क्लबका सदस्यले वर्षभरि उत्कृष्ट काम गरेको भन्दै ३ जना सदस्यलाई सम्मानित गरेको थियो । उक्त कार्यक्रममा जहदा– ३ का वडाध्यक्ष अनिल कुमार ठाकुर, समाजसेवी सलिम अन्सारी लगायतका वक्ताले शुभकामना मन्तव्य राखेका थिए ।
